बैंकद्वारा भैरबीमा विद्यार्थीलाई सहयोग

दैलेख – हिमालय बैंक भैरबी शाखाले सामाजिक उत्तरदायित्व (सीएसआर) अन्तरगत दैलेखकाे भैरवी गाउँपालिका-४ स्थित गौरी माध्यामिक बिध्यालय बालेकाडाका ३२ जना गरिब तथा जेहेन्दार विद्यार्थीहरुलाई झोला र ट्रयाकसुट सहयाेग वितरण गरिएको छ ।

शाखाका प्रवन्धक दलबहादुर वली, अपरेसन इञ्चार्ज हिक्मत  शाही, विद्यालयका प्रधानाध्यापक प्रेमबहादुर बिष्ट, विद्यालय व्यवस्थापन समितीका अध्यक्ष हिक्मत बिक, शिक्षकहरू समेतको उपस्थितिमा विद्यार्थीहरुलाई  ती सामग्री वितरण गरिएको हो ।

त्यसबखत विद्यार्थीलाई वित्तीय साक्षरता कार्यक्रम समेत गरेको थियो। वित्तीय साक्षरता कार्यक्रममा बोल्दै शाखा प्रबन्धक दलबहादुर वलीले पछिल्लो समय आर्थिक प्रलोभन देखाएर विभिन्न ठगीका घटना हुने गरेकाेले सचेत हुन आग्रह गर्नुभयो।