दैलेख – चामुण्डाबिन्द्रासैनी नगरपालिकास्थित विद्यालयहरुको शैक्षिक गुणस्तर सुधारका लागि स्थानीय सरोकारवालाहरु सँग शैक्षिक संवाद कार्यक्रम सम्पन्न भएको छ । सेभ द चिल्ड्रेनको आर्थिक सहयोग, सहयात्रा परियोजना तथा कर्णालि शिक्षा पत्रकार मञ्चको सहकार्यमा संवाद कार्यक्रम सम्पन्न भएको हाे ।
संवाद कार्यक्रममा चामुण्डा विन्द्रासैनी नगरपालिकाका नगर प्रमुख गणेशकुमार शाही, वडा नं.५ का वडा अध्यक्ष हस्त प्रसाद शर्मा, जतना मावि बस्तेकोटका विद्यालय व्यवस्थापन समितिका अध्यक्ष जय बहादुर कार्की, हिमालय मा।वि। तिजकोडाँडाका प्रधानाध्यापक हर्क बहादुर बिक वक्ता रहेको कार्यक्रममा शैक्षिक गुणस्तर सुधारका लागि खुल्ला बहश भएको थियो ।
नगर प्रमुख शाहीले कार्यक्रम बोल्दै आफू चामुण्डा विन्द्रासैनीमा रहेका विद्यालयको गुणस्तर सुधारको लागि सधै लागि परेको बताउनुभयो। विद्यालयमा वित्तीय समानिकरण अनुदानबाट शिक्षकहरुलाई तलब भत्ता खुआउदा आएको कानूनी समस्या कारण विद्यालयमा समस्या आएको बताउदै योे समस्यालाई समाधान गर्न सिगो नगरपालिका लागि परेको बताएका छन् ।
नगरपालिकाको आन्तरिक आम्दानी न्यून रहेकाले नगर करार दरबन्दीका शिक्षकलाई व्यवस्थापना गर्न समस्या आएको बताउदै चामुण्डाबिन्द्रासैनी नगरपालिकामा शिक्षा गुणस्तर कायम गर्न विद्यालय मर्जर नै उपयुक्त समाधान भएकाले मर्जर बारेमा अध्ययन भइरहेको बताएका छन ।
खुल्ला बहशमा उठेका प्रश्नहरुको उत्तर दिदै आर्थिक वर्ष ०७८०७९मा किनिएको स्यानिटरी प्याडको व्यवस्थापनमा आएको समस्याले गर्दा दुई आर्थिक वर्ष सम्म स्यानिटरी प्याड खरिद गर्न नसकिएको मा तत्कालै प्याड खरिद गर्न लागिएको बताएका छन् । त्यसैगरि नक्कलि विद्यार्थीहरु तथा बन्द रहेका बालविकास सञ्चालनमा समेत आफ्नो ध्यानार्कषण भएको बताएका छन् ।
यस्तै कार्यक्रममा बोल्दै हिमालय मावि तिजकोडाँडाका प्रधानाध्यापक हर्क बहादुर बिकले शिक्षाको गुणस्तर सुध्रन स्वयम् शिक्षक जिम्मेवार बन्नु पर्ने बताउनुभयो । सामुदायिक विद्यालय अध्यनरत विद्यार्थीका अभिभावक समेत आफ्ना बालबालिका प्रति जवाफदेही नबन्दा शिक्षाको गुणस्तर सुधार गर्न गाह्रो भएको तथा कामको शिलशिलामा भारत जाने र परीक्षाको समयमा मात्र विद्यालयमा आउने गर्दा गुणस्तर खस्केको सुनाउनुभयाे ।
विन्द्रासैनी मावि विन्द्रासैनीका बाल क्लवका अध्यक्ष पुजा ढकालको अध्यक्षतामा भएको कार्यक्रम कर्णाली शिक्षा पत्रकार मञ्चका अध्यक्ष कलेन्द्र सेजुवालले सहजीकरण गरेका थिए भने कार्यक्रममा राजनैतिक दलका प्रमुखहरु, विद्यालय व्यवस्थापन समितिका अध्यक्ष, प्रअ शिक्षक लगायतको उपस्थिति रहेको थियो ।
प्रतिक्रिया दिनुहोस्