दैलेख – अनौपचारिक सेवा केन्द्र (इन्सेक)ले चामुण्डाबिन्द्रासैनी नगरपालिकामा आइतबार स्थानीय तहमा वाातावरण अधिकार विषयक कार्यशाला सम्पन्न भएको छ । कार्यशालामा जवाफदेही वक्ता र सहभागीहरुले फोहोर व्यवस्थापन मुख्य चुनौती भएको बताएका छन् ।
संघीय संरचनापछि पछिल्लो समयमा गाउँगाउँमा बजार विस्तार भएका तर सहरी विकासको गुरुयोजना नबनेको कारण फोहोर व्यवस्थापन मुख्य चुनौती रहेको सहभागीहरुले औंल्याए । रक्सीका खाली बोत्तलहरु यत्रत्यत्र फ्याकिएका र जतात्यतै फोहोरले प्रदुषण बढेको सहभागीहरुले समस्या दर्र्शाएका थिए ।
चामुण्डाबिन्द्रसैनी नगरपालिकाका नगर प्रमुख गणेशकुमार शाहीले नगरको वातावरण सम्बन्धी ऐन बनेको र फोहोर ब्यवस्थापनको लागि जग्गा खोजी भइरहेको बताउनुभयो । उहाँले अधिकारका कुरा सिकाए जसरी कर्तव्य पालना गर्न नागरिकको दायित्व अभिमुखीकरण गरिदिन आग्रह गर्नुभयो ।
कार्यक्रममा चामुण्डाबिन्द्रसैनी उपप्रमुख मनसराकुमारी शर्माले वातावरण स्वच्छ राख्न मानिसको ब्यवहार परिर्वत गर्नु पर्ने बताउनुभयो । चामुण्डाबिन्द्रसैनी वन सवडिभिजनका वन अधिकृत भरत रोकायले वातावरण स्वच्छताका लागि वन संरक्षणमा सबैको ध्यान जानुपर्ने सुझाव दिनुभयो ।
मानव अधिकार शिक्षा कार्यक्रम अन्तरगत गठित चामुण्डाबिन्द्रासैनी नगर स्तरीय मानब अधिकार समूहका अध्यक्ष बालीराम जैसीको अध्यक्षयतामा भएको उक्त कार्यक्रममा जनप्रतिनिधि, शिक्षक, मानब अधिकार समुह बाल अधिकार प्रतिनिधि र महिला स्वास्थ्य स्वयम् सेविकाहरु समेतको उपस्थिति थियो ।
प्रतिक्रिया दिनुहोस्