भीरबाट खसेर बालकको मृत्यू

दैलेख – दैलेखमा भीरबाट खसेर मृत्यू भएको छ । भैरवी गाउँपालिका वडा नं ७ डाँडासरुका १२ वर्षीय बालक विशाल बरालको मृत्यू भएको भैरबी गाउँपालिकाका कार्यपालिका सदस्य मुना थापामगर जानकारी दिनुभयो ।

हिजो विहीबार साँझ बाख्रा गोठालाबाट फर्किने क्रममा सिल्कीखोरिया भिरबाट झण्डै ४ सय मीटर खोल्सामा खस्दा घटना स्थलमै मृत्यू भएको बताइएको छ । उनी भगवती आधारभूत विद्यालय भाँटीचौरमा कक्षा ८ मा अध्ययनरत थिए ।

मृतक बालकका बुबा लालबहादुर बराल डेढ वर्षदेखि मलेसियामा रोजगारी गरिरहेका छन् । ती बालक भीरबाट खसेर मृत्यू भएपछि अब आमा छबिकला र उनको एक भाई मात्र घरमा छन् ।