२०८१ चैत २३ , शनिबार (2025 Apr 5, Saturday)

हाइस दुर्घटनामा चालक घाइते



दैलेख – सुर्खेतबाट दैलेख सदरमुकामका लागि गुडिरहेको हाइस दैलेखको रिठा नजिक दुर्घटना हुँदा चालक घाइते भएका छन् । दैलेखको महाबु गाउँपालिका५ काशिकाँधका २३ वर्षीय तिलक बमको खुट्टामा चोट लागेको ट्राफिक कार्यालय दैलेखका इञ्चार्ज प्रहरी हवल्दार दशरथ थापाले जानकारी दिनुभयो ।

लु २ ख ६९५३ नम्बरको हाइस दुर्घटनमा परेको हो । घाइते चालक बमलाई प्राथमिक उपचारपछि कर्णाली प्रदेश अस्पताल पुर्‍याएर थप उपचार चलिरहेको र दुर्घटनामा सामान्य घाइते भएका १३ जना यात्रुहरु अर्को गाडीमा गन्तव्यसम्म पुर्‍याइएको प्रहरी हवल्दार थापाले बताउनुभयो ।

प्रकाशित मिति : २०८१ चैत २३ गते शनिबार