दैलेख – स्थानीय तह उपनिर्वाचनमा दुल्लु नगरपालिका वडा नं.१३ को वडा अध्यक्ष पदमा नेकपा एमालेका लालबहादुर शाही निर्वाचित हुनुभएको छ । उहाँले पाँच सय ७४ मत प्राप्त गरी उक्त पदमा निर्वाचित हुनुभएको निर्वाचन अधिकृत बीरेन्द्रबहादुर मल्लले जानकारी दिनुभयो ।
उहाँका निकटम् प्रतिद्वन्दी नेपाली काँग्रेसका रेशमबहादुर शाही पाँच सय ७१ मतपाउनुभएको थियो । त्यसैगरी नेकपा माओवादी केन्द्रका ढकेन्द्रबहादुर शाहीले दुई सय ७८, रास्वपाका रामबहादुर शाहीले ५३, राप्रपाका रेशमबहादुर मल्लले १३ र नेमकिपाका पूर्णप्रसाद उपाध्यायले चार मत पाउनुभएको थियो ।
निर्वाचन अधिकृत बीरेन्द्रबहादुर मल्लका अनुसार खसेको कुल एक हजार पाँच सय २७ मत गणना गरिंदा त्यहाँ ३३ मत बदर भएका छन् ।
त्यसैगरी दैलेखको महाबु गाउँपालिकाका अध्यक्ष पदका लागि आइतबार नै भएको मतदानको मतगणना सुरु भएको छ । महाबुका ६ वटै वडाका ९ स्थानमा रहेका १६ वटा मतदान केन्द्रमा ६ हजार नौ सय ८९ मत खसेको छ ।
प्रतिक्रिया दिनुहोस्