लमजुङ — बेंसीसहर नगरपालिका–३, गाउँसहर काउलेपानीस्थित एक घरमा हारजितको बाजी राखेर जुवा खेल्दै गरेका १० जना जुवाडेलाई प्रहरीले पक्राउ गरेको छ । शिक्षक, कर्मचारी र व्यापारीहरू जम्मा भएर जुवा खेलिरहेका भन्ने सुराकीकाे आधारमामा पक्राउ गरिएकाे हाे ।
शुक्रबार राति साढे १ बजेतिर उनीहरूलाई प्रहरी निरीक्षक टुलबहादुर श्रेष्ठको टोलीले पक्राउ गरेको हाे । जिल्ला प्रहरी प्रमुख डीएसपी निशान्त श्रीवास्तवले जुवाडेका साथबाट ११ वटा कौडा र २ लाख ७२ हजार ३ सय ३५ रुपैयाँ बरामद गरिएको बताउनुभयाे ।
जुवाडेलाई शनिबार बिहान ४ बजेतिर पक्राउ गरी प्रहरी कार्यालय लमजुङकाे हिरासतमा राखिएकाे उनीहरूलाई जुवासम्बन्धी कसुरमा मुद्दा चलाइने डीएसपी श्रीवास्तवले बताउनुभयाे । जुवा सम्बन्धी मुद्दा जिल्ला प्रशासन कार्यालयले म्याद थप गरी मुद्दा चल्ने कानूनी व्यवस्था छ ।
प्रकाशित मिति : २०८१ कात्तिक १७ गते शनिबार
प्रतिक्रिया दिनुहोस्