जाजरकोट – शुक्रबार राति जाजरकोटको कुसे गाउँपालिका-९ पैक केन्द्रबिन्दू बनाएर लगातार दुई वटा भूइँचालोका गएको छ । ८ बजेर ७ मीनेटमा ५ दशमलव २ र लगतै ८ बजेर १० मीनेटमा ५ दशमलव ५ रेक्टरको भूइँचालो गएको भूकम्प मापन केन्द्र सुर्खेतका कार्यालय प्रमुख चिन्तन तिम्सिनाले जानकारी दिनुभयो ।
घरमा जमघट भइसकेको समयमा गएको भूइँचालोले जमिन हल्लाएपछि सल्यान, रुकुम, दैलेख, सुर्खेत लगायत भागदौड चलेको त्यहाँका सरकारी अधिकारी, सञ्चारकर्मी र स्थानीयहरुले बताएका छन् । मानवीय क्षति केही नभएको र छिटपुट घरहरु भत्केका जानकारी आएको जाजरकोटका प्रमुख जिल्ला अधिकारी मेखबहादुर मगरातीले बताउनुभयो ।
जाजरकाेटमा उद्धारका लागि परिचालन भएका सुरक्षाकर्मीहरू
डेड वर्ष अघि २०८० कात्तिक १७ गते राति साढे ११ बजे छिमेकी गाउँ बारेकोट गाउँपालिका रामीडाँडा केन्द्रबिन्दू बनाएर गएको भूइँचालोमा जाजरकोट र रुकुमपश्चिमका १५२ जनाको ज्यान गएको थियो । त्यो बेला जाजरकोट, रुकुमपश्चिम, सल्यान लगायतका जिल्लामा झण्डै एक लाख घर, विद्यालयहरु भत्किएका थिए ।
प्रतिक्रिया दिनुहोस्