दुल्लूमा चट्यांग लागेर एक जनाको मृत्यू

दैलेख – दुल्लूमा चट्यांग लागेर शनिबार एक जनाको मृत्यू भएको छ । दुल्लू नगरपालिका–६ बस्ने वर्ष १८ का गगन खड्काको चट्याङ लागेर मृत्यू भएको जिल्ला प्रहरी कार्यालय दैलेख प्रहरी इञ्चार्ज डीएसपी सुनिल दाहालले जानकारी दिनुभयो ।

घर नजिक रहेको गोठमा भैसीहरू सार्ने क्रममा परेको चट्यांग लागेर बेहोस भएका गगनलाई स्थानीयले तत्काल उपचारका दुल्लु अस्पताल पु¥याएपछि चिकित्सकहरुले मृत घोषणा गरेको दुल्लू नगरपालिका वडा नंं. ६ वडाध्यक्ष हस्तबहादुर खड्काले बताउनुभयो ।

दिलमती खड्का र टिकाराम खदड्काको कान्छो छोरा गगन चैत १२ गते हुने विज्ञान विषयको मात्र एसईईको ग्रेडबृद्धिको परीक्षा दिने कामका लागि घरमा आएको बेला चट्यांगमा परी मृत्यू भएको हो । गगनका एक दाजु र एक दिदी छन् ।