सुर्खेत – राष्ट्रिय दलित पत्रकार संघ नेपाल कर्णाली प्रदेशको शुक्रवार सुर्खेतको छिन्चुमा सम्पन्न दोस्रो अधिवेशनले भिम परियारको अध्यक्षतामा १७ सदस्सीय प्रदेश समिति सर्वसम्मतिमा चयन गरेको छ । वरिष्ठ उपाध्यक्षमा यज्ञ तिरुवा, उपाध्यक्ष कर्ण विश्वकर्मा, सचिवमा मालती विक, सहसचिव प्रेम सुनार र कोषाध्यक्षमा तुलवीर गन्र्धव चुनिनु भएको छ ।
कर्णाली प्रदेश कार्यसमिति सदस्यहरुमा भानुभक्त विक, रमेश सुनार, जित बहादुर तिरुवा, खेमराज सुनार, हिमेन्द्र विक, विरेन्द्र नेपाली, पूर्ण सार्की, अंगराज परियार र तेज विक छानिनुभएको छ । अधिवेशनले २ जना पछि मनोनित गर्ने निर्णय गरेको छ । यो संगठन ६३ जिल्लामा क्रियाशिल कर्णाली सहित ५ प्रदेशमा अधिवेशन सम्पन्न गरेको बताइएको छ ।
कर्णाली प्रदेशका आर्थिक मामिला मन्त्री राजिवविक्रम शाहले उद्घाटन गर्नुभएको अधिवेशन उद्घाटन कार्यक्रममा कर्णाली प्रदेशसभा सदस्य रणसिंह परियार, राष्ट्रिय दलित पत्रकार संघ नेपालका केन्द्रीय अध्यक्ष संविधानसमा सदस्य विनोद पहाडीले दलित आन्दोलन र दलित पत्रकारको भूमिका बारे बोल्नुभएको थियो ।
राष्ट्रिय दलित पत्रकार संघ नेपालको प्रदेश अधिवेशसन कार्यक्रममा महासचिव लक्ष्मण दर्नाल, उपाध्यक्ष टेकेन्द्र विश्वकर्मा, कोषाध्यक्ष भिम विश्वकर्माको उपस्थिति थियो । केन्द्रीयहरू सदस्य वसन्त विक र केन्द्रीय सदस्य मालती विक लगायतले सामाजिक उत्पीडन र मुक्तिको सवालमा प्रकाश पार्नुभएको थियो ।
प्रतिक्रिया दिनुहोस्