काठमाण्डौं – नेकपा (माओवादी केन्द्र)को हुलाकी राजमार्ग केन्द्रित तराई/मधेश जागरण जनतासंग माओवादी अभियान स्थगित भएको छ । राजावादीहरुको सक्रियता बढेको र केपी शर्मा ओली नेतृत्वको सरकारले जनहित विरोधी कामको विरोधमा केन्द्रित हुनुपर्ने भएकोले अभियान स्थगित गरिएको माओवादी नेतृत्वले जानकारी दिएको छ ।
झापाको कचनकबलबाट फागुन १२ देखि शुरू भएको जागरण अभियान रौतहटबाट बाराको सिम्रौनगढ नगरपालिका प्रवेश गर्ने कार्यक्रम थियो । सङ्घीय लोकतान्त्रिक गणतन्त्रविरुद्ध गतिविधि गरेर अराजकता मच्चाउन खोजेको देखिएपछि त्यसको प्रतिवाद गर्न अभियान स्थगित गरेको माओवादीका नेताहरुले बताएका छन् ।
प्रकाशित मिति : २०८१ फागुन २४ गते शनिबार
प्रतिक्रिया दिनुहोस्