संविधानसभा सदस्य सिद्दिकीको निधन

नेपालगञ्ज – संविधानसभा सदस्य हाजी अब्दुल हमीद सिद्दिकी ‘भोला’को सोमबार राति नेपालगञ्जस्थित घरमा निधन भएको छ । अचानक मुटुमा सस्या देखिएका ६० वर्षीय सिद्दिकीलाई अस्पताल लैजाँदै गर्दा निधन भएको पारिवारिक श्रोतले जानकारी दिएको छ ।

नेपाली कांग्रेस बाँकेका क्षेत्रीय समितिका पूर्वसभापति सिद्दिकी नेपालगञ्जेमा धार्मिक तथा सामाजिक सद्भाव कायम राख्ने अभियानमा अग्रपङ्क्तिमा हुनुहुन्थ्यो । उहाँले मुस्लिम समुदायको सामाजिक चेतना र शिक्षाको पहुँच अभिबृद्धिका लागि यहाँको योगदान मानिन्छ ।

सिद्दिकी दोस्रो संविधानसभा २०७० मा नेपाली कांग्रेसकाे तर्फबाट सभासद बन्नुभएको थियो । उहाँको मंगलबार अपराह्न ४ बजे मुस्लिम परम्परा अनुसार अन्त्येष्टि गरिने पारिवारजनले बताएका छन् । उहाँको निधनमा नेपाली कांग्रेस बाँकेले विज्ञप्ती मार्फत शोक व्यक्त गरेको छ ।