सुर्खेत – बीरेन्द्रनगरको कटकुवामा बुधबार दिनभर पिकनिक सकेर साँझ सुर्खेतको रामघाट तर्फ फर्किन लाग्दा कपासे व्यारेक नजिक फोर्स गाडी दुर्घटना भएको छ । दुर्घटना हुँदा गाडीमा सवार २८ जना यात्रु घाइते भएका प्रहरीले जनाएको छ ।
कर्णाली प्रदेश ०२-००१ ख ०१८८ नम्बरको फोर्स गाडी नेपाली सेनाको कपासे व्यारेककाे गेट अगाडि भएकाे दुर्घटनामा चालक सहित २८ जना घाइते यात्रुहररूलाई उपचारका लागि कर्णाली प्रदेश अस्पताल सुर्खेतमा पुराइएकाे छ ।
दुर्घटनामा घाइतेहरूमा सुर्खेतकाे भेरीगंगा नगरपालिका-१० झिलमिलेका गाडी चालक १९ वर्षीय केशर रसाइली र त्यही ठाउँका ८ वर्षीय बालक संयाेगप्रताप घर्ती समेत २ जना सख्त घाइते र अरू २६ जना सामान्य घाइते भएका बताइएकाे छ ।
घाइतेहरुलाई छिटाेछरिताे उपचारका लागि प्रदेश अस्पताल पुर्याइएकाे र घटनाको अनुसन्धान भइरहेको जिल्ला प्रहरी कार्यालय सुर्खेतका सूचना अधिकारी डीएसपी बीरेन्द्रबीर बिश्वकर्माले जानकारी दिनुभयो ।
प्रतिक्रिया दिनुहोस्