नागरिक समाजद्वारा डीएसपी बरालकाे विदाइ

कार्यक्रममा बार एशोसियसन दैलेखका अध्यक्ष प्रेमबहादुर थापा, दैलेख उद्योग वाणिज्य संघका अध्यक्ष नरेन्द्र थापा, गैसस महासंघ दैलेखका जिल्ला अध्यक्ष डिलकुमारी चन्द तथा नेपाल पत्रकार महासंघ दैलेखका अध्यक्ष अमर सुनारले संयुक्त रूपमा हस्ताक्षर गरेको सम्मानपत्र प्रदान गरिएको थियो ।

महाबु गाउँपालिकाका अध्यक्ष जंगबहादुर शाहीले डीएसपी गणेशबहादुर बरालले दैलेखमा रहँदा शान्ति सुरक्षा कायम गर्न तथा नागरिकमैत्री प्रहरी प्रशासन निर्माणमा उल्लेखनीय भूमिका खेलेको बताउनुभयो । उहाँले स्थानीय तह र प्रहरीबीच समन्वयात्मक सम्बन्ध स्थापना गर्दै जनताको विश्वास जित्न डीएसपी बराल सफल भएको उल्लेख गर्दै उहाँको कार्यशैली अनुकरणीय रहेको धारणा राख्नुभयो ।

राष्ट्रिय स्वतन्त्र पार्टी दैलेखका जिल्ला सचिव प्रकाश बुढाले डीएसपी बरालले निष्पक्ष र जिम्मेवार ढंगले सुरक्षा नेतृत्व गरेको बताउनुभयो । उहाँले जिल्लामा शान्ति सुरक्षा मजबुत बनाउन, यही समयमा स‌ंसदीय निर्वाचन सुव्यवस्थित गराउन उहाँको योगदान स्मरणीय रहने धारणा राख्नुभयो ।

नेपाली कांग्रेस दैलेखका जिल्ला सभापति मणिराम रेग्मीले प्रहरी प्रशासनलाई नागरिकमैत्री बनाउन डीएसपी बरालले देखाएको सक्रियता उदाहरणीय रहेको बताउनुभयो । उहाँले राजनीतिक दल र सुरक्षा निकायबीच सहकार्यको वातावरण निर्माणमा उहाँ सफल भएको उल्लेख गर्नुभयो ।

नेकपा एमाले दैलेखका जिल्ला अध्यक्ष सूर्यबहादुर शाहीले कानुन कार्यान्वयनसँगै सामाजिक समन्वयमा डीएसपी बरालको भूमिका सकारात्मक रहेको धारणा राख्नुभयो । उहाँले जिल्लाको सुरक्षालाई व्यवस्थित बनाउन उहाँले गरेको काम प्रशंसायोग्य रहेको बताउनुभयो ।

नेकपाका जिल्ला संयोजक मायाराम अधिकारीले डीएसपी बरालले जिम्मेवारी सम्हालेदेखि जिल्लामा सुरक्षा संयन्त्रप्रति नागरिकको विश्वास बढेको बताउनुभयो । उहाँले डीएसपी बरालको कार्यशैली व्यावसायिक र परिणाममुखी रहेको उल्लेख गर्नुभयो ।

गैसस महासंघका केन्द्रीय सदस्य हिरासिंह थापाले सामाजिक संघसंस्था र प्रहरीबीच सहकार्यको वातावरण निर्माणमा डीएसपी बरालले महत्वपूर्ण भूमिका खेलेको बताउनुभयो । उहाँले नागरिकको समस्या सुन्ने र समाधानमा तत्पर रहने उहाँको शैली सबैका लागि प्रेरणादायी रहेको धारणा राख्नुभयो ।

कार्यक्रमका सहभागीका सुभेच्छा र शुभकामना सुनिसकेपछि डीएसपी बरालले गएकाे फागुन २१ गते भएकाे स‌ंसदीय निर्वाचन शान्तिपूर्ण बनाउन दलहरुकाे सहयाेगी भूमिका र जिल्लाका शान्ति सुरक्षा प्रभावकारी बनाउन नागिरक समाजले गरेकाे सहयाेग तथा सहकार्य निम्ति धन्यवाद दिनुभयाे । उहाँले दैलेख बसाइ स्मणीय रहेकाे उल्लेख गर्नुभयाे ।