२०८१ पुस १० , बुधबार (2024 Dec 25, Wednesday)

भिन्दाभिन्दै दुर्घटनामा तीन जनाको मृत्यू



साँकेतिक चित्र

झापा – झापाका भिन्दाभिन्दै स्थानमा आइतबार भएका दुर्घटनामा तीन जनाको मृत्यू भएको छ भने दुई घाइते भएका छन् । कमल गाउँपालिकामा दुई जना तथा मेचीनगर नगरपालिकामा एक जनाको मृत्यू भएको हो ।

मेचीनगर–७ मा काँकरभिट्टातर्फ जाँदैको प्रदेश नम्बर १–०१–०१७ प ७४४ नम्बरको मोटरसाइकलले सोही स्थानमा विपरित दिशाबाट जाँदै गरेको साइकललाई ठक्कर दिएको थियो । ठक्करबाट साइकलयात्री मेचीनगर–७ का ५० वर्षीय विगेन राजवंशीको मृत्यू भएको प्रहरी नायब उपरीक्षक कृष्णकुमार चन्दले जानकारी दिनुभयो ।

उक्त दुर्घटनामा मोटरसाइकल चालक मेचीनगर–६ का २० वर्षीय अभिषेक लिम्बू र मोटसाइकलको पछाडि सवार सोही स्थानका २१ वर्षीय रमेश श्रेष्ठ घाइते भएका छन् । घाइतेको बिएण्डसी अस्पताल बिर्तामोडमा उपचार चलिरहेको छ ।

कमल–४ अमलडाँगीस्थित पूर्व–पश्चिम राजमार्गमा केर्खाबाट दमकतर्फ जाँदै गरेको को २७ प ३५१३ नम्बरको मोटरसाइकल अनियन्त्रित भई दुर्घटना हुँदा दुई जनाको मृत्यू भएको र सो दुर्घटनामा शिवसताक्षी–८ का वर्ष ३३ वर्षीय अनिलकुमार लिम्बू र सोही स्थानका २० वर्षीय सोमराज लिम्बूको मृत्यू भएको जिल्ला प्रहरी कार्यालय झापाले जनाएको छ ।

प्रकाशित मिति : २०८१ असोज २७ गते आइतबार