२०८१ चैत २४ , आइतबार (2025 Apr 6, Sunday)

चामुण्डा प्रिमियर लिग क्रिकेट हुँदै



दैलेख – चामुण्डाबिन्द्रासैनी नगरपालिकामा जिल्ला स्तरकै अन्तरपालिका स्तरीय चामुण्डा प्रिमियर लिग क्रिकेट प्रतियोगिता २०८१ हुने भएको छ । स्थानीय स्तरमा खेलकुदको विकास तथा खेलाडीको क्षमता विकास गर्न प्रतियोगिता गर्न लागिएको आयोजक चामुण्डाबिन्द्रासैनी स्पोट्स एकेडेमीले जनाएको छ ।

चामुण्डाबिन्द्रासैनी स्पोटर््स एकेडेमीले चैत्र १५–१९ गतेसम्म बिन्द्रासैनी खेलमैदानमा १२ ओभरको क्रिेकेट प्रतियोगिता हुने आज चामुण्डा विन्द्रासैनीमा पत्रकार सम्मलेनमा चामुण्डाबिन्द्रासैनी स्पोट्स एकेडेमीले अध्यक्ष दशरथकुमार शाहीले जानकारी दिनुभयो ।

दैलेख जिल्लाका ११ वटै पालिकाबाट सहभागिता हुने प्रतियोगितामा प्रथम हुने लाई ७१ हजार १ सय ७१, ट्रफी तथा प्रमाण पत्र दिइने बताइएको छ । द्धितीय, तृतिय तथा सान्त्वना हुने टिमले क्रमशः ४१ हजार १ सय ४१, २१ हजार १ सय २१ र ११ हजार १ सय ११ को नगद दिइने एकेडेमीका सचिव सुरेन्द्रबहादुर शाहीले बताउनुभयो ।

करिव ६ लाख २० हजार खर्च अनुमाज गरिएको क्रिकेट प्रतियोगिताको मुख्य प्रायोजकको बडिमालिका निमार्ण सेवा सुर्खेत रहेको छ । चामुण्डा विन्द्रासैनी नगरपालिका, कणाली मेगा इन्जिनियरिङ्ग ल्याबोरेटरी प्रा.लि. सुर्खेत, सफल निमार्ण सेवा नेपालगञ्ज, सुशान्त निर्माण सेवा सुर्खेत सहप्रायोजक रहेको बताइएकाे छ ।

प्रकाशित मिति : २०८१ चैत ६ गते बुधबार