समाजवादीको जिल्ला अध्यक्षमा मयाराम अधिकारी

दैलेख – नेकपा एकीकृत समाजवादी दैलेखको आठौं जिल्ला अधिवेशनले अघिल्लो अध्यक्ष मयाराम अधिकारीको अध्यक्षतामा ५१ सदस्यीय जिल्ला कार्यसमिति निविरोध निर्वाचित गरेको छ । उपाध्यक्षमा दुई जगतबहादुर पन्त र राजबहादुर शाही चुनिनुभएको छ ।

सचिव पदमा पनि अघिल्लो कार्यकालका दिपक हमालले निरन्तरता पाउनुभएको छ । उपसचिव तीन जना मीनबहादुर बस्नेत, टीकादेबी सिंह र सुरेन्द्रबहादुर शाही सर्वसम्मत छानिनुभएको छ । पदाधिकारी वाहेक ४४ जना सदस्यहरु समेत सर्वसम्मतीमा चनय हुनुभएको छ ।

नवनिर्वाचित पदाधिकारी तथा जिल्ला कमिटीका सदस्यहरुलाई पार्टीका केन्द्रीय सदस्य एवं कर्णाली प्रदेश सहइञ्चार्ज अम्मरबहादुर थापाले पद तथा गोपनीयताको सपथ खानुभएको थियो । नेकपा एकीकृत समाजवादी दैलेखले एमाले छँदाको गणना अनुसार यसलाई आठौं जिल्ला अधिवेशन भनेको छ ।