दैलेख – राष्ट्रिय प्रजातन्त्र पार्टी दैलेखले राष्ट्रनिर्माता पृथ्वी नारायण शाहको ३०३ औं जन्मजयन्ती मनाएकोको छ । पृथ्वी नारायण शाहको फोटो, राप्रपा झण्डा सहित दैलेख सदरमुकामकाे गणेशचाेकबाट निस्केको जुलुसले नगर परिक्रमा गरी दैलेख सदरमुकामको देवकोटाचोकमा पुगी कोणसभा गरिएको छ ।
कोणसभा बोल्दै राष्ट्रिय प्रजातन्त्र पार्टी दैलेखका जिल्ला अध्यक्ष भक्तबहादुर शाहीले पृथ्वी नारायण शाहको जन्मजयन्तीमा सरकारले सार्वजनिक विदाको घोषणा गरेर पनि सरकारी तवरबाट कार्यक्रम आयोजना नगरिएकोमा आपत्ति जनाउनुभयो । त्यसबखत उहाँले राजसंस्थाले देशकाे स्वाधीनताकाे निम्ति खेलेकाे भूमिका भुल्न नहुने बताउनुभयाे ।
राष्ट्रिय प्रजातन्त्र पार्टी दैलेखका प्रवक्ता पूर्व शिक्षक कृष्णबहादुर भण्डारी, राष्ट्रिय प्रजातन्त्र पार्टी दैलेखका उपाध्यक्ष रणबहादुर सिंह समेतले पृथ्वी नारायण शाहको ३०३ औं जन्मजयन्ती र उहाँले बाइसे-चाैबीसे राज्यहरूलाई एकसुत्र राख्न नेपाल एकीकरणमा पु¥याएको योगदान बारे चर्चा गर्नुभएको थियो ।
प्रतिक्रिया दिनुहोस्